"kiwen sewi"

kulupu li lape lon nasin telo. nena li lon poka en poka. kulupu pi
kasi suli li lon ale.

jan Wimo li weka e tomo li lukin sewi li lukin kiwen sewi. taso kiwen li suno ala.
kiwen li mun ala. kiwen li sin. kiwen li jelo suno.  jan Wimo li awen lukin.  kiwen
li suli. jan li kama sona e ni: kiwen li kama tawa ona a. jan li tawa insa
tomo. ona li pini e lape pi jan mute ona. ona mute li weka e tomo li lukin
sewi. jan Wimo li toki tawa ona li toki e ni: kiwen li kama anpa a.

ale li noka wawa tawa tomo kiwen. lon tomo kiwen la ona li jo e soweli.  ko
jaki la anpa li len. lon tomo kiwen la ona li pimeja.  kulupu ale li tomo lon
tomo kiwen. lon pimeja pi suno ala la ona li awen. soweli li mu kalama.

ona li awen.

kalama soweli.

jan lili li pana e telo oko.

kalama jan.

lon monsuta la ona li awen.

lon lupa la suno ma li suli li suli mute. tomo kiwen ale li suno mute. kalama suli ma
sama telo wawa mute. kalama mute a. pimeja.

jan mute li lon. ona li lon e tomo kiwen pimeja. lupa li lon ala. tomo kiwen li 
pimeja li kalama. 

jan Wimo li toki ni e ale: o lape e kalama, o lape e toki, o lape e mu. mi wile
pali e seli tawa suno lon tomo kiwen pimeja ni. kiwen seli la o pana e mi. kasi
pi telo ala la o pana e mi. tenpo ni la mi pali e seli tawa ken lukin.

jan Wimo li pali e seli. suno. ona mute li ken lukin. ona li lukin e lupa.
lupa li pakala. ona li awen lon tomo li ken ala tawa. ona mute li pilin ike. ike.
awen.

tenpo mute li pini. jan mute li wile moku. ona li open lukin apeja e soweli pona.
moku la apeja li pini e ona. tenpo. wile moku li suli. jan lili li open pana e telo.
jan Wimo li suli e apeja ona li suli e pilin ona li kepeken e ilo kipisi li moli
e soweli pona. jan ale li moku. jan ale li pilin ike.

tenpo.

tenpo mute pini la ona li moli e soweli ante. tenpo. ante. tenpo. ante.

soweli li lon ala.

tenpo suli pini la jan lili li lape tan moku ala. jan ante li wile mute e moku.
jan wan li nimi e jan Mota. insa toki jan Mota li toki e ni: "mi wile e moku.
jan lili li lape. tenpo lili kama la mi ale li moli. jan lili... tenpo ale la
ona li lape ala ala. ona li pilin ala e kipisi wawa..."

jan Mota li tawa ilo kipisi.

jan Wimo: "sina kipisi e seme." jan Mota li toki ala. jan Wimo li toki e ni:
"sina kipisi e seme a." taso, jan Mota li toki ala. jan Mota li jo e ilo. jan
Wimo li toki wawa e ni: "seme a. seme a." jan Mota li tawa jan lili. jan Wimo
li pini e ona. ona li utala e jan Wimo. jan Wimo en jan Mota li utala wawa.

tenpo ona utala la kalama! suno li kama tan lupa! jan ale li kute e toki tan
ma. suno en lupa li suli.  jan Mota en jan Wimo li utala ala li lukin e lupa
ante. suno li pakala e oko jan ale. jan ma li toki e ona la "seme li lon?"

"lon!" la wan li toki. "lon!" la tu li toki. ale li toki e jan ma. ale li weka
e tomo kiwen tan lupa.

jan ma li toki e ni: "mi jan Jasu. mi alasa e jan lon." jan Jasu li lawa e jan
mute tawa ma kasi suli.  ona li loka tawa ma tomo jan Jasu. jan Jasu en kulupu
ona li pana moku e jan li pana tomo e jan. 

jan Wimo en jan Mota en jan lili en kulupu ona li lon. kiwen sewi li kama li
pakala e ma tomo ona.  taso ona li lon.

23 April 2022
Copyright 2022 Benjamin Suntrup (jan Lupa). All rights reserved.